Արիա. բազմազան ու համեղ

Թամանյան փողոցում՝ Կասկադի հարևանությամբ, գտնվում է “Արիա” սրճարան-ռեստորանը: Արևելյան և հատկապես իրանական խոհանոցի, որակյալ նարգիլիեի և հաճելի սպասարկման սիրահարների համար սա իդեալական վայր է:

 

            Իր գործունեության սկզբում ռեստորանը ներկայանում էր իբրև տիպիկ պարսկական խոհանոցի ավանդույթների կրող: Այդ խոհանոցը, որն ամենաբազմազաններից մեկն է աշխարհում, գրավում էր ոչ միայն հայաստանաբնակ իրանցիների, այլև եվրոպացի զբոսաշրջիկների ուշադրությունը:

 

            Տարիների ընթացքում “Արիան” ընդլայնեց իր հորիզոնը՝ ներգրավելով ճաշացանկում սկզբում այլ արևելյան երկրների, ապա նաև հայկական և եվրոպական խոհանոցների կերակրատեսակներ:

 

            Խորոված կամ սթեյք՝ եթե շատ քաղցած եք, աղցաններ՝ եթե հետևում եք ձեր կազմվածքին, գինիների տեսականի՝ երբ նշելու բան կա, կոկտեյլներ՝ երբ թեթև խմիչք եք նախընտրում, արևելյան յուրահատուկ քաղցրավենիք՝ երբ անսովոր բան եք ուզում, շոկոլադե մուսս՝ որովհետև շոկոլադն ավելորդ չի լինում. “Արիա”-ն առաջարկում է հսկայական բազմազանություն:

 

Գործելով արդեն 13 տարի՝ ռեստորանն ամեն երեկո ներկայացնում է կենդանի երաժշտություն և շոու ծրագիր՝ պարողների և աճպարարների մասնակցությամբ: Այդպիսով, “Արիան” հարմարավետ վայր է ընտանեկան տոները նշելու, ընկերներով հավաքվելու կամ պարզապես հանգստանալու համար: