Վարպետության դասեր և նոր համերգաշրջան` մարզերի երեխաների համար

Արամ Խաչատրյանի անվանեռյակի երաժիշտների կողմից ստեղծված «Դասական երաժշտության զարգացման» հիմնադրամի և «ԱրմենՏել» ընկերության համագործակցությունը շարունակվում է: Այդ համագործակցության շրջանակներում մարզերի երաժշտական դպրոցների աշակերտների համար մեկնարկում են վարպետության դասեր և նոր համերգաշրջան:

Ծրագրի շրջանակում եռյակի երաժիշտներն անց են կացրել վարպետության դասեր Արամ Խաչատրյանի անվան Չարենցավանի երաժշտական դպրոցի սաների համար: Ծրագիրն իրականացվել է նաև Մակար Եկմալյանի անվան Էջմիածնի երաժշտական դպրոցում: Դրանց ընթացքում Ա. Խաչատրյանի անվան եռյակի երաժիշտները կատարել են կոմպոզիտորի ստեղծագործությունները` Կոնցերտ-Ռապսոդիա ջութակի և նվագախմբի համար, Կոնցերտ դաշնամուրի և նվագախմբի համար, Կոնցերտ ջութակի և նվագախմբիհամար: Մեկ տարվա ընթացքում նույն ծրագրով, սիմֆոնիկ նվագախմբի ուղեկցությամբ երաժիշտները հանդես կգան Հայաստանի, Ռուսաստանի, Չինաստանի և Լիտվայի տարբեր քաղաքներում: