Վիսոցկի` դարի խորհրդային լեգենդը

 Այսօր բանաստեղծ, բարդ, քաղաքացի Վլադիմիր Վիսոցկին կլիներ 75 տարեկան: “Չեմ սիրում, երբ կիսատ է”… Սակայն ոչ միայն նրա մասնակցությամբ վերջին ներկայացումը մնաց կիսատ, այլև ամբողջ նրա կյանքը… 
    Պաշտոնապես չընդունված լինելով հանդերձ՝ բանաստեղծն արժանացավ բազմաթիվ ունկնդիրների մեծ սիրուն: Իր կյանքի ընթացքում Վլադիմիր Վիսոցկին գրել է 600 երգ և 100-ից ավել բանաստեղծություն, և, թեպետ նրա երգերից շատերն արգելված էին, նրան հաջողվել է ունենալ ավելի քան 100 համերգ Ռուսաստանի, Բուլղարիայի, Ֆրանսիայի, Կանադայի և այլ երկրների մի շարք քաղաքներում:     Հայաստանում Վիսոցկին եղել է 1970 թվականին: Սակայն հայկական միջավայրը դեռ մանկուց է շրջապատել նրան: “Մամա Ժենյա”. ահա այսպես էր անվանում նա իր խորթ մորը՝ Եվգենիա Լիխալատովային (օրիորդական ազգանունը՝ Մարտիրոսովա): Նա ծագումով Բաքվից էր: Մայրը 1918-1919 թվականների հայկական ջարդերի ժամանակ նրան տեղափոխել է Աստրախան: Հետագայում ևս Վիսոցկին բազմաթիվ հայ ընկերներ է ունեցել: Սակայն, նույնիսկ եթե այդ հայկական հետքը չլիեր մեծ արվեստագետի կյանքում, նրա մասին, միևնույն է, այսօր կարելի էր վստահաբար ասել. Վիսոցկին մի ամբողջ դարաշրջան է եղել, այդ թվում նաև խորհրդային Հայաստանի համար: Դարաշրջան, որի հետևորդները մինչ օրս մեծագույն սիրով հիշում են մեծ բանաստեղծին…

Արմեդիա.ամ